Pas raportimit të Shënjestrës, hiqen tjegullat që rrezikonin banorët në Fushë Kosovë

Shënjestër kishte raportuar pesë muaj më parë për një çati të dëmtuar në një objekt shtetëror në Fushë Kosovë, nga e cila rrezikoheshin banorët. Disa tjegulla ishin afër rrëzimit, gjë që kishte shkaktuar shqetësim tek kalimtarët e zonës.

Në atë kohë, komuna e Fushë Kosovës kishte deklaruar se objekti ishte pronë e Infrakos, ndërsa kjo e fundit nuk kishte pranuar të përgjigjej për rastin.

Tjegullat e dëmtuara dhe të rrezikshme janë larguar nga çatia. Kjo dëshmohet përmes një fotografie, të cilën e ka pranuar të mërkurën Shënjestër nga një banor atje.