Flamur Hoxha
Një aksident i rëndë trafiku ka ndodhur sot në mëngjes në magjistralen Pejë – Prishtinë, konkretisht në fshatin Poterq të Klinës, i cili për fat të keq përfundoi me pasoja fatale.
Shoferi i automjetit të aksidentuar nuk arriti t’u mbijetojë plagëve dhe ndërroi jetë pasi u dërgua në Spitalin Rajonal të Pejës.
Lajmi është konfirmuar nga Policia Rajonale në Pejë.
Zëdhënësi Fadil Gashi bëri të ditur se në vendngjarje ndodhen njësitë policore dhe Prokurori i Shtetit.
Përditësim i lajmit, Raporti i Policisë
“Drejtoria Rajonale e Policisë, Njësiti Rajonal i Komunikacionit Rrugor pran DRP-Pejë, me datë 23. 12. 2024, rrethe orës 07:20 minuta është njoftuar për një vet-aksident në magjistralen Pejë Prishtinë, pikërisht në fshatin Poterq – Klinë.
Në vendin e ngjarjes kanë dalë njësitet kompetente të Njësitit Rajonal të Komunikacionit Rrugor (NJRKRR).
Drejtuesi (i dyshuari) duke mos ju përshtatur kushteve të rrugës dhe shpejtësisë nga ana e djathë kalon në anën e majtë dhe përfundon jashtë rrugës. Si pasoji drejtuesi ka pësuar lëndime të rënda dhe pasi është dërguar në Spitalin Rajonal në Pejë, ekipi mjekësor ka konstatuar vdekjen e tij.
Me urdhër të prokurorit shtetit, trupi i pa jetë është dërguar në IML për obduksion. Rasti është duke u hetuar nga njësiti kompetent”. thuhet në raportin e Policisë.
