Kurti nuk i shkon Prokurorisë Speciale për të dëshmuar, ende jashtë vendit

Kryeministri i Kosovës, Albin Kurti, nuk është paraqitur sot në Prokurorinë Speciale, për t’iu përgjigjur ftesës që i shkoi për të dëshmuar sot në orën 9:30 lidhur me rastin e rezervave shtetërore.

Zëdhënësja e Prokurorisë Speciale, Liridona Kozmaqi, ka thënë se nga ZKM janë njoftuar se Kurti është në udhëtim jashtë vendit dhe e ka të pamundur të paraqitet, raporton rel.

Ajo tha se Prokuroria Speciale do ta ftojë Kurtin për të dëshmuar në një datë tjetër.

Kjo ftesë i shkoi Kurtit disa muaj pas intervistimit të Ridvan Muharremit dhe Rozeta Hajdarit në cilësi të të dyshuarve për çështjen e rezervave shtetërore.

Qeveria e Kosovës njoftoi, por nuk sqaroi se për cilin rast e ftoi Prokuroria Speciale e Kosovës kryeministrin Albin Kurti të dëshmojë në datën 16 dhjetor.

Kurti i kishte dalë në mbrojtje Hajdarit, duke thënë se “nuk ka kurrfarë korrupsioni e keqpërdorimi”.