Digjet një shtëpi në Gjakovë, gjashtë persona marrin tretman mjekësor

Gjashtë persona kanë marrë ndihmë mjekësore në Gjakovë për shkak se patën probleme me frymëmarrje.

Kjo erdhi si pasojë e djegies së një shtëpie e cila u raportua më 14.12.2024 pas mesnatës.

Policia e Kosovës ka njoftuar se një shtëpi është përfshirë nga zjarri ndërsa menjëherë pas marrjes së informacionit në vendin e ngjarjes kanë dalë njësitet përkatëse, ndërsa ekipi zjarrfikës ka lokalizuar zjarrin.

Si pasojë e asfiksisë së shkaktuar nga zjarri, gjashtë persona kanë pranuar tretman mjekësor.

Rasti po hetohet pasi u cilësua si shkaktim i rrezikut të përgjithshëm.