Elias Krasniqi
Manchester United dhe Chelsea kanë vënë në shënjestër mesfushorin ofensiv të Aston Villës, Morgan Rogers.
Të dyja klubet pritet të përballen për 23-vjeçarin dhe nuk tremben nga vlerësimi i lartë prej 116 milionë eurosh që i ka vendosur klubi nga Birminghami, sipas Football Insider. Burimi thekson se trajneri Unai Emery e sheh Rogers si një gur themeli të skuadrës së tij, duke bërë që klubi të mendojë shitjen e lojtarëve të tjerë para se të shqyrtojë ofertat për të.
Vlen të përmendet se Rogers ka regjistruar 44 paraqitje në të gjitha garat këtë sezon, duke shënuar 10 gola dhe duke dhënë 7 asistime. Kontrata e tij me Aston Villën është e vlefshme deri në verën e vitit 2031. Ndërkohë, sipas Transfermarkt, ai aktualisht vlerësohet rreth 80 milionë euro.
