Elias Krasniqi
Drejtoria e Inspektoratit në Prishtinë ka nisur një aksion për heqjen e reklamave të vendosura pa leje në hapësirat publike, përfshirë sipërfaqet e gjelbëruara, trotuaret dhe shtyllat elektrike.
Qëllimi i aksionit është largimi i reklamave ilegale dhe lirimi i hapësirave publike, për të siguruar lëvizje të lirë dhe më të sigurt për këmbësorët. Inspektorati u ka bërë thirrje qytetarëve dhe bizneseve që të respektojnë rregullat dhe të mos vendosin reklama pa lejen e organeve kompetente.
“Aksioni do të vazhdojë deri në largimin e të gjitha reklamave, ndërsa për të gjithë ata që rivendosin reklama pa leje do të shqiptohen gjoba,” thuhet në njoftimin e lëshuar.
