Katër të dyshuar për kanosje në Ferizaj, sekuestrohen armë zjarri

Katër persona janë shoqëruar në stacionin policor në Ferizaj pasi dyshohen për përfshirje në një rast kanosjeje. Ata janë intervistuar nga Policia e Kosovës me autorizim të prokurorit të shtetit.

Hetuesit kanë siguruar një video dhe një audio-incizim lidhur me rastin, të cilat janë dorëzuar si prova materiale.

Tek i dyshuari E.F. janë sekuestruar dy pistoleta dhe 63 fishekë, ndërsa tek i dyshuari N.M. një pistoletë dhe 10 fishekë. Të dy posedonin leje të vlefshme për armët.

Pas intervistimit, të dyshuarit janë liruar në procedurë të rregullt.