Elias Krasniqi
Manchester United po monitoron mesfushorin e Villarreal CF, Pape Gueye. “Djajtë e Kuq” po e konsiderojnë 27-vjeçarin si pasardhës të mundshëm të Casemiro, i cili pritet të largohet nga klubi verën e ardhshme, sipas Footmercato.
Sipas raportimit, klubi anglez mund të rrisë interesimin ndaj tij nëse paraqitet mirë në Kupën e Botës 2026.
Gueye ka zhvilluar 28 ndeshje në të gjitha garat këtë sezon, duke shënuar tre gola dhe duke dhënë një asistim. Kontrata e tij aktuale me Villarrealin është e vlefshme deri në verën e vitit 2028, ndërsa Transfermarkt e vlerëson kartonin e tij në 20 milionë euro.
