Fatlum Berisha
Forcat izraelite arrestuan dhjetëra aktiviste , përfshirë Greta Thunberg, në bordin e Flotiljes Global Sumud ndërsa ajo po shkonte drejt Rripit të Gazës, pasi kishin ndaluar anijet e tyre.
Izraeli thotë se të gjitha, përveç njërës prej dy duzina anijeve që simbolikisht transportonin ndihma drejt Gazës së shkatërruar nga lufta, janë sekuestruar.
Ndërsa anijet pranë Gazës, Flotilja Sumud ka vënë në dispozicion video të drejtpërdrejta për sigurinë e atyre që janë në bord.
Izraeli u zotua të ndalojë flotiljen që shkonte për në Gaza, duke pretenduar se vullnetarët po përpiqen të “thyejnë një bllokadë të ligjshme detare”, por ligji ndërkombëtar është i qartë në lejimin e ndihmës humanitare.
Ndryshe nga përpjekjet e mëparshme detare, kjo flotilje ishte më e madhja që deri më tani është përpjekur të thyejë bllokadën izraelite të Gazës. Aktivistët thanë se besonin se me numrin e madh të anijeve, do të ishte më e vështirë për autoritetet izraelite t’i kapnin të gjitha.
Organizatorët e Sumud kanë humbur kontaktin me njërën nga varkat e mbetura, koordinatat e fundit të së cilës tregonin se ishte vetëm disa kilometra larg brigjeve të Gazës.
Flotilja, e cila filloi me më shumë se 40 anije dhe 500 aktivistë, po mbante një sasi simbolike ndihme humanitare në Gaza.
