Fatlum Berisha
Pishina e Gërmisë u mbyll të enjtën për shkak se uji nuk i plotëson standardet.
Më 18 korrik u hap Pishina e Gërmisë, pasi u mbyll tre ditë para hapjes për tu kryer analizat për kualitetin e ujit. Madje, NPL Sport Marketing, njoftoi për hapjen e pishinës përmes një postimi në rrjete sociale, duke iu uruar qytetarëve të Kryeqytetit momente të bukura në pishinë gjatë ditëve të nxehta.
Një ditë pas, më 19 korrik, Instituti i Shëndetit Publik mori mostrat për analiza fiziko-kimike dhe bakterologjike.
Rezultatet dolën më 22 korrik. Uji i pishinës së Gërmisë nuk i plotëson standardet.
“Rezultatet e këtyre mostrave, të lëshuara më 22 korrik 2025, treguan se parametrat mikrobiologjikë nuk plotësuan standardet për ujin e pishinës. Inspektorati Sanitar i Ministrisë së Shëndetësisë ka bërë vizitë në këtë pishinë në të njëjtën ditë”, thuhet në njoftim.
Për kualitetin e ujit të pishinës, IKSHPK ka marrë mostra të reja dje.
“Më 23 korrik 2025 janë marrë mostra të përsëritura dhe rezultatet përfundimtare pritet të jenë të gatshme ditën e premte, më 25 korrik 2025”, thuhet në komunikatë.
IKShPK thotë se është duke bërë monitorimin e rregullt të cilësisë së ujit në këtë pishinë.
