Fatlum Berisha
Me 15 vjet burgim për dhunim gjatë luftës në Kosovë është dënuar Zhivojin Neshiq.
Gjykimi ndaj Neshiq është mbajtur i mbyllur për shkak të ndjeshmërisë së rastit.
Vendimi për dënimin e tij është marrë të martën në Gjykatën Themelore në Prishtinë.
Fatmire Haliti nga Qendra Kosovare për Rehabilitimit e të Mbijetuarve të Torturës (QKTMT), pas shpalljes së vendimit ka thënë se viktima e ka pritur me shumë emocione aktgjykimin.
“Ky vendim është mirëpritur edhe nga ne si organizatë por veçanërisht nga e mbijetuara të cilës vetëm sa ia komunikova lajmin edhe e ka pritur me mjaft emocione … Ky vendim i gjykatës sot është një satisfakcion për viktimën, që të paktën është shqiptuar një dënim prej 15 vjetësh burgim për të akuzuarin”, ka deklaruar Haliti.
