Elias Krasniqi
Kryeministri i Kosovës, Albin Kurti, ka udhëtuar të premten drejt Nju Jorkut, në Shtetet e Bashkuara të Amerikës.
Sipas Qeverisë së Kosovës, Kurti atje do të zhvillojë takime bilaterale me liderë botërorë, në kuadër të Javës së Nivelit të Lartë të Sesionit të 81-të të Asamblesë së Përgjithshme të OKB-së.
Qeveria ka bërë të ditur se qëllimi i takimeve është promovimi dhe forcimi i interesave të Kosovës në arenën ndërkombëtare.
Gjatë qëndrimit në SHBA, Kurti pritet të takohet edhe me pjesëtarë të komunitetit shqiptar, përfaqësues të shoqatave të diasporës dhe investitorë potencialë në Kosovë.
