Voltemade shkëlqen në Evropë, por Juventusi nuk planifikon ta mbajë

Juventusi barazoi 2-2 me Rennesin në ndeshjen e tretë të fazës së ligës në Ligën e Evropës. Nico Woltemade ishte një nga lojtarët më të dalluar të ndeshjes.

Sulmuesi gjerman asistoi te goli i Zeki Çelikut dhe shënoi nga penalltia në minutën e 67-të. Ky ishte goli i tij i tretë në tri paraqitje në Ligën e Evropës me Juventusin këtë sezon.

Sipas OptaPaolo, Woltemade u bë vetëm lojtari i tretë në historinë e Juventusit që shënon në secilën prej tri ndeshjeve të para evropiane me klubin. Para tij, këtë e kishin arritur vetëm Darko Kovačević në vitin 1999 dhe Roberto Baggio në vitin 1990.

Woltemade iu bashkua Juventusit këtë verë në formë huazimi nga Newcastle. Ai ka bërë tetë paraqitje me klubin italian, por kontributet në gola i ka regjistruar vetëm në Ligën e Evropës. Në pesë ndeshje në Serie A, ai nuk ka shënuar dhe as asistuar.

Juventusi nuk ka opsion për ta blerë përfundimisht lojtarin. Disa media italiane kanë raportuar se klubi nuk planifikon ta transferojë atë përfundimisht, ndaj sulmuesi pritet të rikthehet te Newcastle në verë.