Aziz Bejtullahu
Manchester United u dorëzua 3-0 në derbin me Mancheshester City, dhe kapiteni Bruno Fernandes pranoi me sinqeritet se ekipi i tij nuk ishte në nivelin e duhur. Në intervistën për Sky Sports në Etihad, portugezi analizoi me detaje dështimin e skuadrës, duke marrë përgjegjësi dhe duke kërkuar guxim më të madh nga bashkëlojtarët.
“Rezultati ishte i tmerrshëm, por mund të shmangnim golat. Foden shënoi i pari sepse nuk ishim të guximshëm në duele, i dyti erdhi nga një rivënie anësore ku nuk ishim të kujdesshëm, i treti nga një kundërsulm i lehtë. Duhet të shënojmë më shumë dhe të mos pranojmë kaq thjeshtë,” tha Bruno.
Mesfushori theksoi se United krijoi raste, por pa efikasitet, ndërsa City përfitoi në maksimum:
“Ne donim atë që morën ata, tre pikët. Ata ishin më të zgjuar, më klinikë. City është skuadra më e mirë dhe duhet t’u japim merita, por ne duhet të jemi më agresivë në presing dhe më të guximshëm në fushë.”
