Aziz Bejtullahu
Alejandro Garnacho është i vendosur të bashkohet me Chelsea, duke e bërë klubin londinez prioritetin e tij që prej janarit, dhe dëshira mbetet e fortë edhe gjatë kësaj vere, raporton Fabrizio Romano.
Chelsea pritet të nisë zyrtarisht negociatat deri në fund të muajit, ndërsa planet për transferimin e argjentinasit janë në përgatitje prej javësh. Pavarësisht interesimit nga klube të huaja, përfshirë Arabinë Saudite dhe Italinë, Garnacho e sheh Chelsean si zgjedhjen e tij ideale për hapin e radhës në karrierë.
21-vjeçari ka kontratë me Manchester United deri në vitin 2028 dhe vlerësohet 45 milionë euro nga Transfermarkt. Në sezonin e fundit, ai zhvilloi 58 ndeshje në të gjitha kompeticionet, duke realizuar 11 gola dhe 10 asistime.
