Aksion në Prizren, i dyshuari kapet me drogë, mijëra tableta dhe 19 mijë euro

Një person është arrestuar të enjten mbrëma ne Prizren, pasi gjatë kontrollit policor iu gjetën substanca të dyshuara narkotike, një sasi e madhe barnash dhe mijëra euro para të gatshme.

Sipas Policisë, të dyshuarit iu gjetën 26.43 gramë kokainë, 182.44 gramë marihuanë dhe 2.44 gramë të tjera substancë e dyshuar si kokainë.

Gjatë kontrollit janë sekuestruar edhe 221 pako me nga 30 tableta diazepam dhe 165 pako me nga 30 tableta bensedin.

Policia ka sekuestruar gjithashtu 19 mijë e 625 euro para të gatshme dhe një telefon mobil.

Me vendim të prokurorit, i dyshuari është dërguar në mbajtje.