Aziz Bejtullahu
Sot në ora 18:00 do të zhvillohet shorti i fazës së ligës për edicionin 2025/26 të UEFA Champions League, ku 36 skuadra do të zbulojnë kundërshtarët e tyre.
Kjo është hera e dytë që gara më prestigjioze e klubeve në Evropë zhvillohet me formatin e ri të “League Phase”, i cili ka zëvendësuar fazën tradicionale të grupeve. Sipas këtij sistemi, secila skuadër do të luajë tetë ndeshje (katër në shtëpi dhe katër jashtë) kundër rivalëve nga vazo të ndryshme.
Vazot e shortit janë këto:
Pot 1: Paris, Real Madrid, Man City, Bayern München, Liverpool, Inter, Chelsea, Borussia Dortmund, Barcelona
Pot 2: Arsenal, Leverkusen, Atletico Madrid, Benfica, Atalanta, Villarreal, Juventus, Eintracht Frankfurt, Club Brugge
Pot 3: Tottenham, PSV, Ajax, Napoli, Sporting CP, Olympiacos, Slavia Praha, Bodø/Glimt, Marseille
Pot 4: Copenhagen, Monaco, Galatasaray, Union SG, Qarabağ, Athletic Club, Newcastle, Pafos, Kairat Almaty
Skuadrat do të përballen me nga dy kundërshtarë nga secila vazo, duke garantuar duele të forta dhe të papritura që në fazën e parë të garës.
Finalja e këtij edicioni do të luhet në Budapest, më 30 maj 2026, dhe për herë të parë do të nisë në ora 18:00 CET, pas vendimit të ri të UEFA-s.
