Aziz Bejtullahu
Kombëtarja e Zvicrës ka bërë publike listën me 23 futbollistët e ftuar për përballjen ndaj Kosovës, e cila zhvillohet më 5 shtator në “St. Jakob-Park” të Baselit, në kuadër të kualifikimeve për Kupën e Botës 2026.
Trajneri Murat Yakin ka përzgjedhur emrat më të rëndësishëm të skuadrës helvetike, ku spikasin mesfushorët shqiptarë Granit Xhaka dhe Ardon Jashari, të cilët do të jenë pjesë e ndeshjes ndaj Dardanëve.
Megjithatë, në listë mungojnë disa futbollistë me origjinë shqiptare që kanë qenë pjesë e diskutimeve të fundit. Uran Bislimi, i cili më herët kishte refuzuar Kosovën për të zgjedhur Zvicrën, këtë herë nuk është ftuar nga Yakin. Po ashtu, mbrojtësi Albian Hajdari, i cili mbetet ende i pavendosur për të ardhmen e tij ndërmjet Kosovës dhe Zvicrës, nuk është pjesë e skuadrës.
Ky vendim vjen në një periudhë kur çështja e zgjedhjeve të futbollistëve shqiptarë ka marrë shumë vëmendje. Vetëm pak ditë më parë, mesfushori i ri Leon Avdullahu mori vendimin e madh për të refuzuar Zvicrën dhe për t’u bashkuar me Kosovën, duke shkaktuar reagime të shumta në mediat zvicerane.
Përballja Zvicër – Kosovë pritet të jetë e mbushur me emocione të veçanta, jo vetëm për shkak të rivalitetit sportiv, por edhe për lidhjet e forta që ekzistojnë mes lojtarëve dhe dy kombëtareve.
U21: Das Aufgebot zum Auftakt in die EM-Quali 🙌
La liste pour le début des qualifications à l’Euro
Convocati per l’esordio nelle qualificazioni all’Europeo🇪🇪 🆚🇨🇭
🗓 5.9 🕕 18:00
🏟 Tallinn pic.twitter.com/M5iYojD0kB— 🇨🇭 Nati (@nati_sfv_asf) August 28, 2025
