Aziz Bejtullahu
Liverpooli ka marrë një fitore të madhe jashtë fushe ndaj Newcastle United, me rezultat 3-2, falë një momenti historik nga supertalenti Rio Ngumoha.
Anësori i majtë, vetëm 16 vjeç e 361 ditë, realizoi golin vendimtar në minutën e 100-të, duke u bërë golashënuesi më i ri në historinë e Liverpoolit. Ky rekord më parë i përkiste Ben Woodburn, i cili kishte shënuar në vitin 2016 kundër Leeds United në moshën 17 vjeç e 45 ditë.
Top 5 golashënuesit më të rinj në historinë e Liverpoolit:
Rio Ngumoha – 16 vjeç e 361 ditë
Ben Woodburn – 17 vjeç e 45 ditë
Kaide Gordon – 17 vjeç e 96 ditë
Michael Owen – 17 vjeç e 143 ditë
Jordan Rossiter – 17 vjeç e 183 ditë
Ngumoha tashmë ka hyrë në librin e rekordeve të klubit nga Merseyside, vetëm pak muaj pasi bëri debutimin si lojtari i dytë më i ri në histori më 11 janar. Ai iu bashkua Liverpoolit nga Chelsea në shtator të vitit 2024 dhe tashmë ka dhënë sinjalet e para se mund të jetë një nga yjet e ardhshëm të futbollit anglez.
