Aziz Bejtullahu
E ardhmja e Gianluigi Donnarummës te Paris Saint-Germain po bëhet gjithnjë e më e paqartë, me klubin që sipas RMC Sport është gati të pranojë një ofertë prej 20-30 milionë eurosh nga Manchester United, Chelsea ose Manchester City.
Portieri italian, i cili ka kontratë deri në qershor 2026, është lënë jashtë skuadrës për ndeshjen e Superkupës së Evropës kundër Tottenhamit dhe nuk po stërvitet me grupin kryesor. PSG tashmë ka investuar 40 milionë euro për të siguruar Lucas Chevalier, i cili pritet të jetë zëvendësuesi i tij.
Ndërkohë, përfaqësuesit e Donnarummës theksojnë se ai nuk do të largohet nën presion dhe se çdo transferim do të ndodhë vetëm në kushte të favorshme për lojtarin. Me pagën e tij prej 12 milionë eurosh në sezon, opsionet në Itali janë pothuajse të pamundura, duke e bërë Premier League destinacionin më realist.
