Elias Krasniqi
Mesfushori i Barcelonës, Frenkie de Jong, është rikthyer në stërvitje me ekipin.
Lojtari kishte pësuar një dëmtim në muskujt e pasmë të kofshës (hamstring), konkretisht në pjesën distale të muskulit biceps femoris të këmbës së djathtë, në fund të muajit shkurt. Raportet fillestare sugjeronin se ai mund të mungonte për pesë deri në gjashtë javë. Ylli holandez iu bashkua stërvitjeve të grupit të klubit katalanas më 9 prill.
Sipas Mundo Deportivo, kjo nënkupton se De Jong mund të luajë në pjesën e dytë të ndeshjes së së shtunës në La Liga kundër Espanyol-it. Ideja është që ai të rikthejë ritmin e ndeshjeve, duke hapur rrugën për një paraqitje të mundshme kundër Atlético Madrid-it në ndeshjen e kthimit të çerekfinales së Champions League-ës të martën. Katalanasit e kanë humbur ndeshjen e parë në Barcelonë me rezultatin 2-0.
