Aziz Bejtullahu
Sulmuesi kosovar, Vedat Muriqi, u përjashtua në ndeshjen mes UD Las Palmas dhe Mallorca në Gran Canaria për një gjest të papërshtatshëm ndaj një lojtari kundërshtar. Gjyqtari, me ndihmën e VAR-it, mori vendimin për të nxjerrë kartonin e kuq pas një momenti tensioni në fushë, kur Muriqi tregoi gishti i mesit ndaj një lojtari të Las Palmas gjatë një sulmi.
Për këtë arsye, Muriqi do të humbasë ndeshjen e ardhshme të Mallorca-s kundër CF në Son Moix. Pavarësisht incidentit, Muriqi reagoi menjëherë në Instagram, duke kërkuar falje për sjelljen e tij:
“Dua të kërkoj falje me dorën në zemër për përjashtimin tim në ndeshjen e sotme. E di që sjellja ime nuk ishte e përshtatshme dhe ndjej thellësisht mungesën e respektit ndaj kolegut tim, Jaime Mata, dhe më vjen keq që tifozët kanë qenë dëshmitarë të një gjesti kaq të shëmtuar nga ana ime. Pavarësisht asaj që ndodhi, jam shumë i lumtur me fitoren e ekipit. Çdo fitore është një reflektim i përpjekjes dhe punës së të gjithëve, dhe më mbush me krenari të shoh se si luftojmë së bashku në fushë.”
Kërkesa publike për falje e Muriqit është pritur shumë mirë në Spanjë, ku sulmuesi kosovar u vlerësua për guximin e tij në pranim të gabimit.
