Vjedhje në kishën e Bushincës, grabiten rreth 1 mijë euro

Rreth 1 mijë euro janë vjedhur nga një kishë në fshatin Bushincë të Novobërdës.

Paratë ishin mbledhur nga kontributet e besimtarëve dhe ruheshin në arkën e kishës.

Sipas raportit të Policisë, persona të panjohur kanë hyrë me forcë në objekt dhe kanë marrë paratë.

Rasti është raportuar në Polici dhe hetimet për identifikimin e autorëve janë në zhvillim.