Mbappé i qetë para Topit të Artë: Kam bërë gjithçka siç duhet

Ka mbetur edhe një javë deri në përfundimin e votimit për fituesin e Topit të Artë 2026.

Kylian Mbappé është pyetur sërish nëse mendon se e meriton këtë çmim.

“Besoj se kam thënë tashmë gjithçka për këtë temë. Njerëzit ishin të pakënaqur kur fola shumë për të, por kështu është. Jam i qetë, shumë i qetë. Kam bërë gjithçka që kam mundur dhe mendoj se e kam bërë mirë. Tani më mbetet vetëm të pres”, ka thënë Mbappé, sipas AS.

Në një intervistë të fundit, sulmuesi francez kishte deklaruar se e meriton Topin e Artë të këtij viti. Ai kishte theksuar se ishte golashënuesi më i mirë në çdo garë ku mori pjesë, ndërsa u bë edhe golashënuesi më i mirë në historinë e Kupës së Botës me 22 gola.

Pas këtyre deklaratave, Mbappé u kritikua nga disa tifozë.

Në nivel klubesh, sezonin e kaluar ai luajti 44 ndeshje me Real Madridin, duke shënuar 42 gola dhe dhënë 7 asistime. Megjithatë, nuk arriti të fitojë asnjë trofe me klubin.

Me Francën, këtë verë arriti deri në gjysmëfinale të Kupës së Botës dhe përfundoi turneun si golashënuesi më i mirë me 10 gola.