Elias Krasniqi
Romelu Lukaku është shumë pranë transferimit te Fenerbahçe.
Napoli ka pranuar ofertën e re të klubit turk, e cila kap vlerën e mbi 6 milionë euro, raporton Fabrizio Romano.
Sulmuesi belg ka arritur gjithashtu marrëveshje për kushtet personale me Fenerbahçen, ndërsa palët kanë një marrëveshje verbale. Tani pritet vetëm finalizimi i dokumentacionit.
Lukaku, 33-vjeçar, iu bashkua Napolit në vitin 2024 dhe tashmë pritet të largohet nga klubi italian pas dy sezonesh.
Fenerbahçe e ka fituar garën për shërbimet e tij, pasi Lukaku kishte interes edhe nga Atlanta United, por prioriteti i belgut ishte të qëndronte në Evropë.
