Botërori 2026 thyen rekord historik të golave në grupe

Kampionati Botëror 2026, që po zhvillohet në Shtetet e Bashkuara, Kanada dhe Meksikë, ka hyrë në histori si një nga turnet më produktiv në aspektin e golave.

Sipas të dhënave të Opta-s, faza e deritanishme e grupeve ka regjistruar 139 gola në 48 ndeshje, duke kaluar rekordin e mëparshëm të vendosur në Botërorin 2014 në Brazil, ku ishin shënuar 136 gola.

Mesatarja aktuale është 2.9 gola për ndeshje, ndërsa turneu pritet të rrisë edhe më tej këto shifra pas përfundimit të xhiros së tretë të grupeve.

Gjermania është skuadra më efikase deri tani me nëntë gola në vetëm dy ndeshje, ndërsa në listën e golashënuesve prin Lionel Messi me pesë realizime.

Zgjerimi i Botërorit në 48 skuadra ka sjellë më shumë ndeshje dhe intensitet më të lartë, duke e kthyer këtë edicion në një nga më spektakolarët deri tani.