Goditje e rëndë për Spanjën, Fermin Lopez mbetet jashtë Botërorit

Goditje e rëndë për FC Barcelona-n dhe mesfushorin Fermín López. Futbollisti do të humbasë Kupën e Botës FIFA 2026 për shkak të një lëndimi serioz.

Klubi ka konfirmuar se ai ka pësuar një frakturë në metatarsal gjatë fitores 3-1 ndaj Real Betis-it në La Liga dhe tashmë do t’i nënshtrohet një ndërhyrjeje kirurgjikale.

Sipas raportimeve të gazetës AS, rikuperimi i tij pritet të zgjasë rreth dy muaj, duke i shuar çdo mundësi për të qenë pjesë e kombëtares spanjolle në Kupën e Botës.

Fillimisht, mjekët kishin vlerësuar se lëndimi do ta linte jashtë fushave vetëm dy javë, por ekzaminimet me MRI (rezonancë magnetike) zbuluan se situata ishte shumë më serioze dhe kërkonte operacion.