Elias Krasniqi
Olympique Lyonnais po kalon një moment fantastik me 13 fitore radhazi në të gjitha garat, duke u ngjitur në vendin e tretë në Ligue 1 dhe duke vazhduar garën edhe në Coupe de France dhe UEFA Europa League.
Trajneri Paulo Fonseca beson se skuadra e tij është gati për trofe:
“Jemi të përgatitur dhe kemi ambicie të mëdha. Ky është sezoni më konkurrues që kam parë në Ligue 1, por kam besim të plotë te ekipi.”
Ai shtoi se Lyon mund të jetë “surpriza e madhe” e sezonit, duke theksuar se forma aktuale është më e mira e mundshme, por vendimtare do të jetë mënyra si përfundon sezoni.
Sa i përket kontratës, Fonseca që ka edhe një vit marrëveshje u shpreh i lumtur në klub dhe plotësisht i fokusuar te skuadra, duke lënë të hapur mundësinë e vazhdimit.
