Elias Krasniqi
Mesfushori i Manchester Cityt, Elliot Anderson, beson se uniteti brenda skuadrës është më i fortë se kurrë, pas fitores 3-0 ndaj Liverpoolit në Premierligë.
“Jemi të gjithë të bashkuar, më shumë se kurrë. Mendoj se duhet të jemi kështu dhe të qëndrojmë së bashku. Kjo na bashkon edhe më shumë dhe na jep vendosmërinë e nevojshme për të dalë në fushë, kur të gjithë janë kundër nesh, dhe për t’i mposhtur, ashtu siç bëmë”, citohet të ketë thënë Anderson nga shërbimi për media i klubit.
Manchester City së fundmi është shpallur fajtor për shkeljen e 114 rregullave financiare të Premierligës.
Klubi akuzohet se ka fryrë të hyrat dhe ka paraqitur shpenzimet më të ulëta për një shumë totale prej mbi 900 milionë funtesh.
Nëse dështon me ankesën, klubi mund të përballet me sanksione të rënda.
Aktualisht, Manchester City kryeson tabelën e Premierligës me 18 pikë.
Kjo ishte ndeshja e tetë e Andersonit me fanellën e Cityt, pas transferimit nga Nottingham Forest gjatë verës, për 135 milionë euro.
