Elias Krasniqi
Barcelona dhe sulmuesi 18-vjeçar Hamza Abdelkarim kanë arritur marrëveshje për një kontratë deri më 30 qershor 2030. Klubi katalanas e ka bërë të ditur marrëveshjen përmes shërbimit të tij për media.
Kontrata do të nënshkruhet më 15 shtator në ora 17:00, në zyrën e presidentit të Barcelonës, Joan Laporta. Më pas, Abdelkarim do të flasë për media në zyrat komerciale të klubit.
Sulmuesi egjiptian iu bashkua Barcelonës më 1 shkurt 2026, në formë huazimi deri në fund të sezonit. Debutimin e bëri më 8 mars me ekipin U-19A, në ndeshjen si mysafir ndaj Osasunës, ku edhe shënoi.
Ai realizoi 9 gola në vetëm 6 ndeshje kampionale, përfshirë një hat-trick në fitoren 9-0 ndaj Monte Carlos, ditën kur Barcelona siguroi titullin e División d’Honor.
Në verën e vitit 2026, Barcelona e transferoi përfundimisht. Abdelkarim u stërvit me ekipin e parë të drejtuar nga Hansi Flick gjatë fazës përgatitore dhe shënoi 4 gola, duke përfunduar si golashënuesi më i mirë i skuadrës në përgatitje.
Debutimin zyrtar me ekipin e parë e bëri më 31 gusht 2026, ndaj Rayo Vallecanos në Spotify Camp Nou.
Sipas mediave spanjolle, Flick ia kishte kufizuar minutat në fillim të sezonit, pasi klubi kishte frikë se skuadrat e tjera mund ta aktivizonin klauzolën e lirimit prej 15 milionë eurosh.
Me kontratën e re, klauzola e lirimit të Abdelkarimit është rritur në 150 milionë euro.
