30 ditë paraburgim për katër të arrestuarit për drogë në Ferizaj

Gjykata Themelore në Prishtinë ka caktuar masën e paraburgimit prej 30 ditësh ndaj katër personave të arrestuar në Ferizaj, të dyshuar për trafikim droge.

Të dyshuarit janë ndaluar gjatë një operacioni policor ku janë sekuestruar rreth 17.9 kilogramë heroinë. Ata dyshohen për përfshirje në një grup të organizuar kriminal dhe për veprat penale të blerjes, posedimit dhe shitjes së narkotikëve.

Sipas gjykatës, masa e paraburgimit është caktuar pasi ekziston rreziku që të pandehurit të shmangen nga drejtësia. Paraburgimi do të zgjasë një muaj për secilin prej tyre.