Elias Krasniqi
Borussia Dortmund dhe mbrojtësi qendror Nico Schlotterbeck kanë rënë dakord për vazhdimin e kontratës. Shërbimi për shtyp i klubit njofton se kontrata e re do të jetë e vlefshme deri në vitin 2031.
Futbollisti 26-vjeçar iu bashkua Borussia Dortmundit nga Freiburgu në vitin 2022 dhe që atëherë ka zhvilluar 155 ndeshje zyrtare për “verdhezinjtë”, duke shënuar 10 gola dhe duke dhënë 18 asistime.
Nico Schlotterbeck gjithashtu ka regjistruar 25 paraqitje me kombëtaren e Gjermanisë që nga debutimi i tij në vitin 2022.
