Elias Krasniqi
Pronari i Inter Miami CF, Jorge Mas, ka folur për yllin e skuadrës, Lionel Messi, duke shpjeguar pse sponsorizimet e nivelit të lartë janë thelbësore për klubin.
“Arsyeja pse më duhen sponsorë të klasit botëror është e thjeshtë: këta lojtarë nuk janë të lirë. Unë i paguaj Messit mes 60 dhe 70 milionë euro në vit, duke përfshirë të gjitha bonuset. Por më besoni, ai vlen çdo cent,” tha Mas për A Bola.
Sulmuesi argjentinas është lojtari i dytë më i paguar në futbollin botëror, menjëherë pas yllit të Al-Nassr FC, Cristiano Ronaldo.
Messi iu bashkua Inter Miami në vitin 2023. Që atëherë, ai ka zhvilluar 90 ndeshje për skuadrën nga Florida, duke shënuar 79 gola.
