Aziz Bejtullahu
Pavarësisht humbjes së rëndë 5-1 ndaj Arsenalit, Erling Haaland ka arritur një moment historik në futboll, duke shënuar golin e tij të 250-të në karrierë pas vetëm 313 ndeshjesh, duke e kaluar kështu Lionel Messin, i cili e realizoi këtë sukses në 327 ndeshje.
Me këtë gol, sulmuesi norvegjez ka tejkaluar edhe emra të mëdhenj të futbollit botëror si Kylian Mbappé, i cili arriti të shënonte 250 gola në 332 ndeshje, ndërsa dy legjendat e futbollit, Cristiano Ronaldo dhe Robert Lewandowski, i duhej një numër prej 451 ndeshjesh për të arritur të njëjtin shifër. Kjo statistikë dëshmon instinktin e jashtëzakonshëm të Haaland për shënim dhe ritmin e tij të pakrahasueshëm.
Prej ardhjes së tij në Manchester City në maj 2022, Haaland ka qenë një makinë golashënuesi, duke realizuar 115 gola për ekipin e qytetit. Ndikimi i tij ka qenë vendimtar në sukseset e fundit të Manchester City, duke kontribuar në fitimin e titujve të Premier League dhe triumfin në Champions League.
Në vetëm 23 vjeç, Haaland ka siguruar një koleksion të pasur trofesh, përfshirë 2 tituj të Premier League, 1 Champions League, 2 tituj të Bundesligës Austriake, 1 DFB-Pokal, dhe 1 Superkupë UEFA. Po ashtu, ai është shpallur fitues i çmimit Golden Boy në 2020 dhe ka fituar Këpucën e Artë të Premier League në vitin 2024. Haaland vazhdon të thyejë rekorde dhe të lërë gjurmë të thella në historinë e futbollit.
