Aziz Bejtullahu
Specialisti italian Roberto Mancini i është përgjigjur thashethemeve në lidhje me interesimin për të nga AC Milano dhe AS Roma .
“Askush nuk më ka kontaktuar deri më tani, por diçka do të ndodhë; është vetëm çështje kohe“, – citohet Mancini nga Football Italia.
Pozicioni i fundit i Mancinit ishte me kombëtaren e Arabisë Saudite, nga e cila u largua më 24 tetor.
Raportet sugjeruan se italiani u largua si trajner për shkak të rezultateve të pakënaqshme dhe përkeqësimit të marrëdhënieve mes tij dhe ekipit.
Vlen të theksohet se Roberto Mancini ka drejtuar më parë disa klube duke përfshirë Interin , Manchester Cityn , Galatasarayn , Lazio dhe Fiorentinën .
Ai ka pasur edhe një detyrë si trajner i kombëtares italiane .
