Legjendat e Barçës dhe Real Madridit do të luajnë në Tokio më 15 dhjetor

Më 15 dhjetor, stadiumi Ajinomoto në Tokio do të presë ndeshjen historike ndërmjet Legends Barça dhe Real Madrid Leyendas. Takimi do të zhvillohet në orën 14:00, sipas orës lokale (06:00 CET), dhe do të jetë hera e parë që këto dy skuadra të legjendave do të luajnë në Japoni.

Për herë të parë që nga pensionimi, yjet si Andrés Iniesta, Xavi, Javier Mascherano dhe Rafa Márquez do të rikthehen në fushë me fanellën e Barçës. Iniesta, i cili së fundmi u tërhoq nga futbolli, do të luajë në Japoni, pas pesë vitesh me Vissel Kobe. Pjesë e këtij eventi do të jenë edhe emra të njohur si Rivaldo, Bojan Krkic, Ludovic Giuly dhe Gaizka Mendieta.

Programi i Barça Legends u krijua në vitin 2016 dhe menaxhohet drejtpërdrejt nga klubi. Ideja është të bashkohen ish-yjet në një projekt të vazhdueshëm që kontribuon në globalizimin e emrit të Barçës në mbarë botën, duke ofruar kështu një platformë për të nxitur vlerat e famshme të klubit.