Real Madridi kërkon që gjigantët anglezë t’ia kthejnë paratë e Superligës

Real Madridi kërkon që klubet angleze t’ia kthejnë një pjesë të parave të shpenzuara për organizimin e Superligës Evropiane.

Klubi spanjoll beson se Arsenali, Chelsea, Liverpooli, Manchester City, Manchester United dhe Tottenhami duhet të paguajnë një pjesë të kostove fillestare të projektit, pavarësisht se janë tërhequr prej tij, raporton The Athletic.

Sipas një burimi, shuma totale që mund të kërkohet arrin deri në 80 milionë euro.

Fillimisht, kostot për promovimin e turneut u ndanë mes Real Madridit, Barcelonës dhe Juventusit.

Krijimi i Superligës Evropiane, një garë e mbyllur ndërkombëtare me 12 klube të mëdha, u njoftua në prill të vitit 2021. Megjithatë, shumica e klubeve u tërhoqën nga projekti brenda ditëve të para.

Juventusi u largua zyrtarisht nga projekti në vitin 2023, ndërsa Barcelona dhe Real Madridi pritet të tërhiqen në vitin 2026.