Elias Krasniqi
Chelsea ka njoftuar zyrtarisht zgjatjen e kontratës së kapitenit të tij, Reece James. Marrëveshja e re do të jetë e vlefshme për gjashtë vjet.
Kontrata e mëparshme e 26-vjeçarit do të përfundonte në vitin 2028, por kjo marrëveshje e re do ta mbajë atë te Chelsea deri në qershor të vitit 2032. Ajo përfshin një strukturë pagese të bazuar në performancë, me bonuse shtesë për mbrojtësin e djathtë anglez.
Produkt i akademisë së Chelseat, James është pjesë e rregullt e skuadrës së parë që nga viti 2019 dhe aktualisht mban shiritin e kapitenit. Gjatë këtij sezoni, ai ka regjistruar 35 paraqitje, duke shënuar 2 gola dhe duke dhënë 7 asistime.
