Elias Krasniqi
Dy persona janë arrestuar në Kaçanik nën dyshimin për therjen me thikë të një 21-vjeçari.
Sipas Policisë së Kosovës, të dyshuarit janë H.K. (24 vjeç) dhe E.K. (17 vjeç), të cilët dyshohen të hënën kanë sulmuar 21-vjeçarin me inicialet SH.K.
Pas intervistimit, me vendim të prokurorit të shtetit, H.K. është dërguar në mbajtje për 48 orë, ndërsa i mituri E.K. për 24 orë.
Policia bëri të ditur se hetimet po vazhdojnë për identifikimin e personave të tjerë të përfshirë në rast.
Ndaj të dyshuarve janë iniciuar veprat penale “Lëndim i rëndë trupor në bashkëkryerje”, “Pjesëmarrje në rrahje” dhe “Kanosje”.
Një i dyshuar tjetër ishte arrestuar edhe në natën e ngjarjes.
