Gabriel Magalhães në radarët e Real Madridit

Sipas TEAMtalk, Real Madrid ka kërkuar informacione për mbrojtësin qendror të Arsenal FC, Gabriel Magalhães.

Burimet tregojnë se “Klubi Mbretëror” është njoftuar se “Topçinjtë” nuk kanë asnjë qëllim ta shesin 28-vjeçarin. Arsenali synon të vazhdojë ndërtimin e një prej skuadrave më të forta në Evropë, çka nënkupton mbajtjen e lojtarëve kyç. Megjithatë, raportimet sugjerojnë se kjo nuk do ta ndalë Real Madridin të vazhdojë të kërkojë një marrëveshje.

Në total, Magalhães ka zhvilluar 32 ndeshje në të gjitha garat këtë sezon, duke shënuar katër gola dhe duke dhënë katër asistime. Kontrata e tij aktuale me klubin londinez është e vlefshme deri në verën e vitit 2029. Sipas Transfermarkt, vlera e tij në treg është 75 milionë euro.