Nis zbatimi i tarifës për shoqëruesit e pacientëve

Shoqata për të Drejtat e Pacientëve në Kosovë (Shoqata për të Drejtat e Pacientëve në Kosovë) ka reaguar ndaj vendimit të QKUK për aplikimin e tarifës prej 3 euro në ditë për përcjellësit e pacientëve.

Nga kjo shoqatë thonë se “përcjellësi nuk është vizitor”, por pjesë e domosdoshme e kujdesit, sidomos për fëmijët, të moshuarit dhe pacientët me sëmundje kronike apo kufizime funksionale. Sipas tyre, tarifa krijon barrë shtesë për familjet dhe prek kategoritë e ndjeshme.

PRAK i ka bërë thirrje institucioneve që të heqin këtë pagesë.

Sipas Udhëzimit Administrativ NR.03/2024 për Bashkëpagesat, qëndrimi ditor në spital për personin shoqërues mbi 15 vjeç kushton 3 euro. QKUK ka konfirmuar për Radio Evropa e Lirë se zbatimi i kësaj tarife ka nisur këtë muaj.