Elias Krasniqi
Serge Gnabry vazhdon me Bayernin.
Sulmuesi gjerman, më 5 shkurt, ka rinovuar zyrtarisht kontratën me gjigantin bavarez, ka bërë të ditur klubi përmes komunikimit për media. Marrëveshja e re e mban Gnabryn në “Allianz Arena” deri më 30 qershor 2028, ndërsa kontrata e mëparshme skadonte verën e ardhshme.
Sipas raportimeve të Bild, paga e 28-vjeçarit nuk do të kalojë shifrën 15-16 milionë euro në vit para taksave, duke përfshirë edhe bonuset.
Kujtojmë se Gnabry është pjesë e Bayernit që nga viti 2017, ku është shndërruar në një nga figurat kyçe të skuadrës dhe ka kontribuar në fitimin e shumë trofeve madhorë me fanellën e kampionëve të Gjermanisë.
