Elias Krasniqi
Antonio Conte dhe Napoli i tij ngritën Superkupën e Italisë në Riad, trofeun e tretë në historinë e klubit, duke e kombinuar me titullin kampion në Serie A një arritje që Azzurrët nuk e kishin shijuar që nga viti 1990. Në finalen e madhe, Napoli mposhti Bolognën 2-0, duke vulosur një turne perfekt.
Pas ndeshjes, Conte foli për Sport Mediaset, duke zgjedhur të qëndrojë me këmbë në tokë pavarësisht suksesit:
“Urime djemve për një turne të jashtëzakonshëm. Luajtën në mënyrë të përsosur dhe treguan se sa shumë u intereson ky trofe. Kishin një dëshirë të vërtetë për ta sjellë kupën në shtëpi, për ne dhe për tifozët e Napolit.”
Conte ndaloi edhe te pesha e fitoreve në futboll, duke qenë realist dhe i drejtpërdrejtë:
“Historia mban mend vetëm fituesit. Dy vite më parë Napoli humbi finalen e Superkupës ndaj Interit, por kush e kujton këtë? Të gjithë kujtojnë fitoren e Interit. Ne jemi në një rrugëtim të jashtëzakonshëm. Në futboll ka vetëm një gjë që vlen: fitorja. Askush nuk kujton finalistët. Këtë e thotë një njeri që ka humbur shumë finale, si lojtar dhe si trajner.”
