Tre të lënduar nga një rrahje në Fushë-Kosovë

Një person rrahu gruan e tij e më pas edhe një grua tjetër bashkë me shoqëruesin e saj në Fushë-Kosovë.

Sipas raportit të policisë, të premten rreth orës 18:30 burri ishte duke rrahur gruan kur një grua tjetër bashkë me shoqëruesin kishin provuar ta ndihmonin viktimën, por i dyshuari bashkë me një person tjetër i kishte rrahur edhe ata.

Si pasojë, të tre viktimat kanë pranuar tretman mjekësor, ndërsa dy të dyshuarit për dhunë janë arrestuar.

Rasti po hetohet si lëndim i lehtë dhe dhunë në familje.

Të dyshuarit me vendim të prokurorit janë dërguar në mbajtje.