Granit Tahiri
Forca e Sigurisë së Kosovës (FSK), i është bashkuar ushtrive partnere të ShBA-së në ushtrimin fushor ndërkombëtar “Saber Junction 25”, i zhvilluar në Hohenfels, Republikë e Gjermanisë.
Ushtrimi është dizajnuar për të testuar dhe vlerësuar gatishmërinë e njësive luftarake, duke përfshirë ekipet e Brigadës së Këmbësorisë dhe njësitë e tjera që bëjnë pjesë në rotacionin për misionin e KFOR-it në Kosovë.
FSK po merr pjesë me një Kompani të Këmbësorisë dhe një skuadër të Materieve të Rrezikshme (CBRN), me qëllim të demonstrimit të profesionalizmit dhe ndërveprueshmërisë me forcat partnere ndërkombëtare.
