Fatlum Berisha
Kampionati Botëror i Klubeve i FIFA-s po vazhdon të zhvillohet në ShBA, me ndeshje jashtëzakonisht interesante të luajtura deri më tani.
Por, përballje edhe më interesante na presin ditëve në vijim, kur këtij kampionati tashmë po i vjen fundi.
Sot prej orës 21:00 do të kemi një sfidë të fortë mes dy skuadrave që kanë mbetur ende në garë, dhe që synojnë avancimin në gjysmëfinale.
Fluminense nga Amerika e Jugut dhe Al-Hilal nga Arabia Saudite janë skuadrat që do t’i matin forcat në këtë përballje çerekfinale që premton të jetë shumë e fortë.
Kjo pasi klubi latin ka eliminuar Interin e Serie A kurse “arabët” mposhtën qytetarët nga Anglia, Manchester Cityn.
