Aziz Bejtullahu
Ylli i Liverpoolit dhe përfaqësuesi i Portugalisë, Diogo Jota, ka ndërruar jetë në një aksident automobilistik në Cernadilla, provinca Zamora, Spanjë. Në aksident humbi jetën edhe vëllai i tij, André Silva, futbollist në ligën e dytë portugeze.
Ngjarja ndodhi rreth orës 00:30 të mëngjesit lokal, kur makina tip Lamborghini në të cilën udhëtonin u përfshi nga flakët pas një shpërthimi të gomës gjatë manovrës së tejkalimit.
Guardia Civil e Spanjës në deklaratën e saj për mediat tha:
“Hetimi ynë tregon se aksidenti rrugor ndodhi për shkak të një gome të shpërthyer gjatë një manovre tejkalimi, që çoi në humbjen e kontrollit dhe pasojat fatale.”
Federata Portugeze e Futbollit e përshkroi Diogo Jotën si një lojtar të jashtëzakonshëm dhe një person me gëzim ngjitës, duke shprehur dhimbjen më të thellë për vdekjen e tij dhe të vëllait.
