Aziz Bejtullahu
Finalja e Ligës së Konferencës UEFA 2024/25 do të zhvillohet më 28 maj në stadiumin Wrocław në Poloni, ku do të përballen Chelsea dhe Real Betisi në një ndeshje historike për të dy klubet.
Chelsea, nën drejtimin e trajnerit Enzo Marescas, ka pasur një rrugëtim mbresëlënës në këtë edicion të Ligës së Konferencës.
Në fazën e grupeve, ekipi fitoi të gjashtë ndeshjet, duke shënuar 26 gola dhe pësuar vetëm 5, përfshirë një fitore të thellë 8-0 ndaj FC Noah.
Në fazën 1/16, Chelsea eliminoi FC Copenhagen me rezultat të përgjithshëm 3-1. Në çerekfinale, ata mposhtën Legia Warsawën, duke kaluar përpara pavarësisht një humbjeje 1-0 në ndeshjen e dytë. Në gjysmëfinale, Chelsea dominoi Djurgarden me një fitore të përgjithshme 5-1, duke përfshirë fitoren 4-1 në ndeshjen e parë dhe fitoren 1-0 në Stamford Bridge, ku Kiernan Dewsbury-Hall shënoi golin e vetëm.
Nëse Chelsea fiton finalen, ata do të bëhen klubi i parë që ka fituar të gjitha tre kompeticionet kryesore të UEFA-s: Ligën e Kampionëve, Ligën e Evropës dhe Ligën e Konferencës .
Real Betis, në anën tjetër, nën drejtimin e trajnerit Manuel Pellegrini, ka arritur finalen e parë evropiane në historinë e klubit pas një pritjeje prej 118 vitesh. Në fazën 1/16, ata mposhtën Vitória SC, ndërsa në çerekfinale avancuan tutje me një paraqitje të fortë.
Në gjysmëfinale, Betis eliminoi Fiorentinën në një ndeshje dramatike që përfundoi me një fitore 4-3 në total pas kohës shtesë.
Ky sukses ka ngjallur entuziazëm të madh në mesin e tifozëve të Betisit, të cilët shpresojnë të tejkalojnë rivalët lokalë të Sevillas në skenën evropiane.
Chelsea synon të bëjë histori duke fituar të gjitha kompeticionet kryesore të UEFA-s, ndërsa Real Betis kërkon të kurorëzojë një rrugëtim të jashtëzakonshëm me trofeun e parë evropian në historinë e klubit.
