Aksident në qendër të Prishtinës, vetura godet një këmbësore

Një aksident ka ndodhur në qendrën e Prishtinës, ku një këmbësore ka pësuar lëndime trupore pasi është goditur nga një veturë.

Ngjarja ka ndodhur të mërkurën pasdite, në rrugën “Bill Klinton”.

“Si pasojë e aksidentit lëndime trupore ka pësuar këmbësorja, e cila është dërguar për tretman mjekësor. Me rastin po merret njësiti i trafikut të kryeqytetit”, thuhet në njoftimin e policisë.