Prokuroria e Gjilanit ngriti 316 aktakuza për dhunë në familje gjatë vitit 2024

Prokuroria Themelore në Gjilan ka bërë të ditur se gjatë vitit 2024 janë shqyrtuar gjithsej 2 mijë e 210 kallëzime penale, përfshirë Departamentin e Krimeve të Rënda, Departamentin e Përgjithshëm dhe Departamentin për të Mitur.

Në një njoftim të publikuar, Prokuroria theksoi se gjatë vitit të kaluar janë përdorur procedura alternative për zgjidhjen e rasteve, duke përfshirë edhe urdhëratë ndëshkimor, për të cilat janë zgjidhur 40.8% e rasteve.

“Gjatë vitit 2024 përmes procedurave alternative, duke përfshirë edhe urdhëratë ndëshkimor janë zgjidhur 40.8% e rasteve. Ndërsa, sa i përket veprave penale të dhunës në familje, gjatë vitit 2024 janë ngritur gjithsej 316 aktakuza kundër 360 personave”, thuhet në njoftim.